Madaxweyne Volodymyr Zelenskiy ayaa Arbacadii ku soo bandhigay baarlamaanka Ukraine “Qorshihiisa guusha” ee sida weyn loo sugayo, isagoo ku booriyay dalkiisa oo dagaal ka daalay inuu sii midoobo waqti xasaasi ah ka hor doorashada madaxtinimo ee xulafadiisa muhiimka ah ee Maraykanka oo dhici doonta 5-ta November.
Iyadoo ciidamada Ruushku ay bariga ku sii siqayaan jiilaal aad u xun oo koronto la’aan ah, wuxuu u sheegay sharci-dajiyayaasha qorshihiisa ka kooban shan qodob oo muhiim ah kuwaas oo ku tiirsanaa xulafada Kyiv, oo ay ku jiraan casuumaad shuruud la’aan ah oo ay ugu biiraan NATO iyo taageerada hubka gaarka ah.
“Annaga oo kaashanayna saaxiibadayada, waa inaan bedelnaa duruufaha si dagaalku u dhamaado, iyadoo aan loo eegin waxa uu Putin doonayo, dhammaanteen waa inaan bedelnaa duruufaha si Ruushka loogu qasbo nabadda,” ayuu u sheegay xildhibaannada iyo madaxda ugu sarreysa.
Qodobkiisa saddexaad waxa uu ku nuuxnuuxsaday baahida loo qabo in Ukraine ay hesho awood ka hortagta hubka Nukliyeerka oo uu sheegay inay ku filnaan doonto burburinta awoodda milatari ee Ruushka. Ma uusan faah faahin, balse waxa uu sheegay in uu jiro xog dheeri ah oo sir ah oo uusan shaacin karin.
Horseed Media
