Dowlada Kuuriyada Waqooyi ayaa markii ugu horeysay muddo 5 sano ah tijaabisay gantaalada ridada dheer oo gaari kara illaa wadanka Maraykanka, gantaalkan oo ah mid xambaari kara hubka nukliyeerka.
![](https://horseedmedia.net/wp-content/uploads/2022/03/Kim-Jong-Un-250322-1.jpg)
Muuqaal la baahiyey ayaa muujiinayey hogaamiyaha Kim Jong Un oo booqanaya goobta tijaabada ka dhacday, hogaamiyaha Kuuriyada Waqooyi ayaa doonaya in caalamka dalkiisa u aqoonsado quwad Nukliyeer isla markaana laga qaado cunaqabateynta saaran.
Tijaabadan ayaa lagu soo beegay xili dalalka reer Galbeedka ay ku mashquulsan yihiin dagaalka u dhaxeeya Ruushka iyo Ukraine.
![](https://horseedmedia.net/wp-content/uploads/2022/03/Kim-Jong-Un-250322-2.jpg)
Kuuriyada Waqooyi ayaa u muuqata inay sare usii qaaday dadaalka ay ugu jirto inay dhameystirto hubkooda culus gaar ahaan gantaalada qaaradaha isaga goosha.