Waxaa salaadii Jimcaha kadib magaalada Dooxa ee dalka Qatar, ka bilaabatay munaasabada aaska hogaamiyihii ururka Xamaas…
Waxaa salaadii Jimcaha kadib magaalada Dooxa ee dalka Qatar, ka bilaabatay munaasabada aaska hogaamiyihii ururka Xamaas Ismaaciil Haniyeh, iyadoo sidoo kale laga xusayo dalal ay kamid yihiin Turkiga, Lubnaan, Yemen, Pakistan, Malaysia iyo Indonesia.
Kumanaan qof ayaa isugu soo baxay Masjidka Imaamu Muxamed ibn Cabdul-Wahhab ee Dooxa salaadda janaasada kahor aaska madaxa siyaasadda kooxda falastiin oo lagu aasay qabuuraha Lusail, waqooyiga caasimadda Qatar.
Wakiilo ka socda kooxaha kale ee Falastiiniyiinta iyo xubno ka tirsan dadweynaha ayaa ka soo qayb galay aaska. Qoyskiisa ayaa sidoo kale ku sugnaa aaska iyadoo si weyn loo adkeeyay ammaanka masaajidka qaranka ee Qatar.
Horseed Media
