Israel ayaa xirtay wadooyinka taga magaalada Jenin Sabtidii, saacado kadib markii ay ciidamada Israel weeraro balaaran…
Israel ayaa xirtay wadooyinka taga magaalada Jenin Sabtidii, saacado kadib markii ay ciidamada Israel weeraro balaaran ku qaadeen dhowr magaalo oo ka tirsan Daanta Galbeed.
Iskahorimaadyada ka socda dhulka Daanta Galbeed ee Falastiin oo billowday Arbacadii ayey Israa’iil ku tilmaantay hawlgallada ka dhanka ah argagixisada.
Saddex maalmood kadib, iyada oo uu dagaalku ka socdo meelo kale oo magaalada Jenin kamid ah, ayey shacabka sheegeen inay ku jiraan go’adoon isla markaana gebi ahaan ay go’een adeegyada kala duwan.
Biyaha waa la jaray. Korontadii way go’day, nidaamka bullaacaduhu hadda ma shaqaynayo. Dhammaan kaabayaashii dhaqaalaha ayaa burburay, ma hayno wax adeeg ah oo shaqeeya, ayey yiraaheen shacabka deegaankaasi oo warbaahinta la hadlay.
Israel ayaa todobaadkan sare u qaaday weerarada ay ka wado dhulka Falastiin ee aaga Daanta Galbeed, xili ay weli xasuuqa kasii wado Gaza.
Horseed Media
