Qaramada Midoobay, oo kaashanaysa maamulka caafimaadka Falastiin, ayaa bilaabay inay 640,000 oo carruur ah ku tallaalaan…
Qaramada Midoobay, oo kaashanaysa maamulka caafimaadka Falastiin, ayaa bilaabay inay 640,000 oo carruur ah ku tallaalaan marinka Gaza Axaddii, iyadoo Israa’iil iyo Xamaas ay ku heshiiyeen in ay hakiyaan muddo kooban oo ay ku jireen dagaalkoodii 11-ka bilood ahaa si ay ugu oggolaadaan ololuhu inuu socdo.
Hay’adda caafimaadka adduunka ee WHO ayaa bishii hore xaqiijisay in ilmo yar uu qayb naafo ka noqday fayraska nooca 2-aad ee dabaysha, kaasoo ah kiiskii ugu horreeyay ee noociisa ah oo ka dhaca gudaha dalkaas muddo 25 sano ah.
Ololahan ayaa Axadii ka bilowday deegaano ku yaala bartamaha Gaza, waxaana maalmaha soo socda uu u gudbi doonaa deegaano kale. Dagaalku waxa uu joogsan doonaa ugu yaraan siddeed saacadood saddex maalmood oo xidhiidh ah.
WHO waxay sheegtay in hakadyadu ay u badan tahay inay u baahan doonaan inay kordhiyaan ilaa maalinta afraad oo wareegga koowaad ee tallaalku uu qaadan doono wax ka yar laba toddobaad.
Carruur ay galbinayeen xubno ka tirsan qoysaskooda, ayaa buux dhaafiyay xarun ay Qaramada Midoobay maamusho oo ku taal bartamaha magaalada Gaza ee Deir Al-Balah, halkaas oo ku dhawaad hal milyan oo qof ay gabaad ku jireen, sida ay sheegeen saraakiisha Falastiiniyiinta. Shaqaalaha caafimaadku waxay farahooda qalin ku calaamadiyeen carruurta helay dhibcooyinka.
Horseed Media
