Putin ayaa cusbooneysiiyay nidaamka Nukliyeerka ee Ruushka ka dib go’aankii hubka ee Biden ee Ukraine
Madaxweynaha Federaalka Ruushka Vladimir Putin ayaa cusbooneysiiyay nidaamka Nukliyeerka ee Ruushka, laba maalmood ka dib markii dhiggiisa Mareykanka Joe Biden uu fasaxay Ukraine inay ku weerarto bartilmaameedyada gudaha Ruushka hubka uu Mareykanka sameeyay.
Sida ku cad Nidaamka la cusboonaysiiyay ee la soo saaray Talaadada manta ah, Moscow waxay muhimad siin doontaa gardarada ka imanaysa waddan kasta oo aan Nukliyeer lahayn – laakiin ka qayb qaadashada waddan nukliyeer ah waxaa loo arkaaya weerar wadajir ah oo lagu qaaday Moscow.
Kremlin-ka ayaa billaabay nidaamkan cusu ee nukliyeerka Talaadada aanta h, isaga oo sheegay in aragtida milatari ee dib loo eegay ay aragti ahaan hoos u dhigi doonto khataraha Ruushka ku wajahan.
Afhayeenka Kremlin Dmitry Peskov ayaa sheegay in isbeddellada ay ka dhigan yihiin “Federaalka Ruushka wuxuu xaq u leeyahay inuu isticmaalo hubka nukliyeerka haddii ay dhacdo gardaro iyadoo la adeegsanayo hubka caadiga ah ee ka soo horjeeda”
Ka hortagga Nukliyeerka waa tiir ka mid ah caqiidada militariga Ruushka, laakiin dib u eegistu waxay u muuqataa inay ballaarinayso qeexida waxa loo tixgelin doono gardarrada ka dhanka ah Ruushka.
“Qodobka muhiimka ah ee dukumeentigan ayaa ah in ka hortagga nukliyeerka looga golleeyahay in lagu hubiyo in cadawga suurtagalka ah uu fahmo sida lama huraanka ah ee aargoosiga haddii ay dhacdo gardaro ka dhan ah Federaalka Ruushka ama xulafadiisa,” ayuu yiri Peskov.
Isbeddelkan ayaa ku soo beegmaya iyadoo Kremlin-ka uu ka jawaabayo go’aankii maamulka Biden uu ku oggolaaday Ukraine inay u adeegsato hubka riddada dheer ee Maraykanka gudaha Ruushka, tallaabadan oo ay dawladda Ruushku horeba u muujisay inay khatar ku tahay dagaalka Ukraine.
Hadda, haddii Ukriane isku aydo in ay gantaalada ridada heer ku garaacdo gudaha Ruushka, waxaa la is weydiinayaa waxa jawaabtu noqon doonto kadib isbeddelka nidaamka Nukliyeerka e manta lagu dhawaaqey.
Hanad Askar
Horseed Media
