Dagaal ayaa mar kale ka qarxay dalka Suudaan, kadib xabbad-joojintii ay ku dhowaaqeen dhinacyada dagaallamaya, halka…
Dagaal ayaa mar kale ka qarxay dalka Suudaan, kadib xabbad-joojintii ay ku dhowaaqeen dhinacyada dagaallamaya, halka ergeyga Qaramada Midoobey uu sheegay in xabbad-joojint ay qeyb ahaan dhaqan gashay.
Rasaas iyo qaraxyo ayaa xalay laga maqlay magaalada Omdurman, halkaasi oo ciidamada ay adeegsadeen diyaarado aan duuliye lahayn si ay u beegsadaan aagagga Dacmu Sariic.
Sidoo kale Militariga ayaa drone u adeegsaday si ay dagaalyahannada uga celiyaan goob saliidda lagu sifeeyo oo ku taalla Bahri, oo ah magaalada saddexaad ee ku teedsan webiga Nile.
Ciidamada Militariga iyo kuwa sida militariga u tababaran ee Dacmu Sariic ama RSF ayaa xabbad-joojin 72 saac isku raacay taasi oo billaabaneysay Talaadadii kadib dhex-dhexaadin ay sameeyeen Mareykanka iyo Sacuudi Carabiya.
Ergeyga gaarka ah ee Qaramada Midoobey u qaabilsan Sudan, Volker Perthes ayaa Golaha Ammaanka u sheegay Talaadada in xabbad-joojinta “ay u muuqato inay illaa hadda ka dhaqan-gashay qeybo ka mid ah dalka.”
Horseed Media
