Japan ayaa isniintii shalay diyaaradaheeda dagaalka hawlgelisay kadib markii diyaarad militari oo uu leeyahay Shiinaha ay…
Japan ayaa isniintii shalay diyaaradaheeda dagaalka hawlgelisay kadib markii diyaarad militari oo uu leeyahay Shiinaha ay “ku xad gudubtay” hawada Jabaan, wasaaradda gaashaandhigga ayaa sidaa sheegtay.
Diyaaradda Shiinaha ayaa “la xaqiijiyay inay ku soo xadgudubtay hawada dhuleed ee jasiiradaha Danjo ee ismaamulka Nagasaki,” ayay wasaaraddu ku sheegtay hadal ay soo saartay, iyadoo intaas ku dartay inay halkaasi si deg deg ah ugu dirtay “diyaaradaha dagaalka.”
Diyaaradda Shiinaha ee hawada Jabaan gashay ayaa la sheegay inay ahayd nooca “Y-9” ee sirdoonka militariga Shiinaha.
Xiisada ka dhaxeysa labada dal ayaa sanadihii lasoo dhaafay sii kordheysay, kadib markii Shiinaha uu sare u qaaday dhaq dhaqaaqa militari oo ay ka wadaan badda iyo hawada.
Horseed Media
