Dowladda Kenya ayaa ogolaatay inay si rasmi ah dib u furto xuduudaha ay la wadaagto Soomaaliya…
Dowladda Kenya ayaa ogolaatay inay si rasmi ah dib u furto xuduudaha ay la wadaagto Soomaaliya ee Mandheera, Lamu iyo Gaarisa 90-ka maalmood ee soo socda.
30-ka maalin ee u horreysa waxaa la furi doonaa xadka Beled Xaawo iyo Mandheera.
Go’aankan wuxuu ka dambeeyay wada-hadal ay maanta ku yeesheen magaalada Nairobi Wasiirrada amniga, arrimaha gudaha, Arrimaha dibadda iyo Gaashandhigga labada dal .
Wada-hadalladan ayaa daba socda kulamo ka dhacay xadka iyo heshiis ay horey labada dal u wada galeen.
Xuduudda Soomaaliya iyo Kenya ayaa si rasmi ah loo xiray 2011-kii sababo la xiriira weerarro ka dhacay gudaha Kenya oo ay qaadday Al-Shabaab.
Kenya iyo Soomaaliya ayaa wadaaga xuduud dhuleed gaareysa 680-km (420-mile).
Horseed Media
