Wadahadallada lagu soo afjarayo dagaalka 16-ka bilood ah ee Suudaan ka socda ee u dhexeeya ciidamada iyo xoogaga taageerada degdega ah ee RSF ayaa hore u socon doona usbuucan, ergeyga gaarka ah ee Mareykanka ayaa sheegay, in kasta oo ay yartahay calaamad ka timid labada dhinac ee ah inay raadinayaan xal nabadeed.
Ciidanka Suudaan ayaa dhamaantood diiday martiqaadka loo fidiyay, halka RSF ay sii wadeen weerarada qarashka badan ku baxaya ee ay ka wadaan qeybo ka mid ah dalka, inkastoo ay soo dhaweeyeen hindisaha Mareykanka iyo Sacuudiga.
Ku guul dareysiga dadaallada lagu doonayo in lagu soo afjaro dagaalka ayaa sii xumeyn doona iskahorimaadka abuuray dhibaatada bini’aadantinimo ee ugu weyn adduunka, ka riixaya 10 milyan oo qof guryahooda isla markaana abuuraya xaalado macluusha oo kale ah dalka oo dhan.
Tom Perriello oo ah ergeyga gaarka ah ee Maraykanka u qaabilsan dalka Sudan ayaa ka sheegay magaalada Geneva ee xarunta dalka Switzerland in uu ka furmo wada hadalo maalinta Arbacada ah ee soo socota.
Horseed Media
