Maxkamadda darajada koobaad ee Ciidanka qalabka sida ayaa maanta dil toogasho ah ku xukuntay Xamsa Jeylaani…
Maxkamadda darajada koobaad ee Ciidanka qalabka sida ayaa maanta dil toogasho ah ku xukuntay Xamsa Jeylaani Cabdullaahi oo ka tirsanaa al-Shabaab, kuna eedeysnaa in uu dil u geystey nin sarkaal ah.
Maxkamadda ayaa ku xukuntey Xamse Jeylaani in uu u dilay taliyihii Ciidanka nabad sugidda deegaanka Buufoow-bacaad ee gobolka Shabeelaha Hoose Xasan Cusmaan Cali, kadib markii uu gaarigiisa u geliyay miino nooca dhejiska ah.
Xamsa oo ah 23 jir kana soo jeeda degmada Janaale ayaa horay ugu shaqaysan jiray Mooto intaysan shaqaaleysiin ururka al-Shabaab, waxaana uu ku nolaan jirey a guriga taliyaha uu diley ee magaalada Marka, maaddaama ay qaraabo ahaayeen.
28-kii Augosto ee sanadkan ayay soo gabagabowday dacwadda loo haystay Xamsa Jeylaani , waxanay maxkamadda darajada koobaad ee Ciidanka qalabka sida maanta oo Arbaca ah ku xukuntay dil toogasho ah, taas oo ah qisaasta Ex-taliyihii NISA ee deegaanka Buufoow Bacaad Xasan Cusmaan Cali.
Horseed Media
