Sally Yates Xeer ilaaliyaha guud ee hoggaamineysey Wasaaradda caddaaladda ee Maraykanka ayaa ka hor timid go’aanka Donald Trump uu ku xanibey dadka u dhashey 7 dal oo Muslimiin ah in ay Maraykanka soo galaan. Yates ayaa u diidey qareenada wasaaraddu in ay difaacaan go’aanka Trump. Hadda Donald Trump ayaa shaqada ka cayriyey iyada oo markii horeba ahayd ku-sime sugeysa in ay xilka wareejiso. Waxa uu si kumeel gaar ah u magacaabey Dana Boente.
Yates waxaa magacaabey Madaxweynihii hore ee Maraykanka Barack Obama, waxaana ay sugeysey inta Aqalka Senateku ay ka ansixinayaan ninka Trump u magacaabey xilkaas ee Jeff Sessions.
Sally Yates ayaa qoraal kooban oo ay soo saartey calaamad su’aal saartey sida uu sax u yahay oo sharciga u waafaqsan yahay go’aanka Trump ee muranka badan dhaliyey.
The Democrats are delaying my cabinet picks for purely political reasons. They have nothing going but to obstruct. Now have an Obama A.G.
— Donald J. Trump (@realDonaldTrump) January 31, 2017
Trump oo aan weli ka harin in uu fariimihiisa soo mariyo barta Twitterka ayaa sheegay in Xisbiga Dimoqraadigu ay ku wadaan xagal-daacin magaaacidda golihiisa wasiirada, taas oo keentay in ay weli shaqada sii joogto Xeer laaliyihii Obama magacaabey.
Ninka uu Xeer Ilaaliyaha Guud u Magacaabey Trump Jeff Sessions ee aan weli la ansixin oo weydiiyey sababta hadda shaqada looga cayriyey Sally Yatesmarkii Obama magacaabey hoos ka daawo.
Amazing. Sally Yates at her confirmation hearing answering her job-ending Q. Look who's asking. Via @charles_gaba pic.twitter.com/3Vsf9UugIu
— TR (@yottapoint) January 31, 2017
Horseed Media
