Madaxweynaha Mareykanka Joe Biden ayaa laga helay COVID-19, taasoo ku qasabtay inuu baajiyo xaflad olole oo ka dhacaysay magaalada Las Vegas, iyadoo xildhibaanada xisbigiisa cadaadis ku saarayaan inuu ka tanaasulo musharaxnimadiisa xaaladiisa caafimaad darteed.
Baadhitaanka madaxweynaha ayaa ku soo beegmaya iyada oo si weyn isha loogu hayo caafimaadkiisa iyo adkaysigiisa ka dib dood uu ku fashilay oo uu la yeeshay madaxweynihii hore ee Donald Trump taas oo dhalisay walaac badan oo ay Dimuqraadiyiintu ka qabaan in Biden uu tabar u hayo culayska ololaha doorashada.
Arbacadii, Xildhibaanka Adam Schiff ayaa noqday Dimuqraadigii 20aad ee xisbigiisa oo si cad ugu baaqaya Biden inuu ka haro tartanka.
Ra’yi ururin ay soo saartay xarunta AP-NORC ee cilmi-baadhista arrimaha bulshada Arbacadii ayaa muujisay in ku dhawaad saddex-meelood laba meel oo ka mid ah Dimuqraadiyiinta ay rumaysnaayeen in Biden uu ka haro tartanka oo uu u oggolaado xisbiga inuu doorto musharrax cusub.
Horseed Media
