Sheekh Aadan Madoobe oo loo doortay Guddoomiyaha Golaha Shacabka

Xildhibaan Sheekh Aadan Maxamed Nuur (Madoobe) ayaa loo doortay inuu noqdo Guddoomiyaha cusub ee golaha shacabka Soomaaliya, kadib doorasho saacado badan qaadatay oo ka dhacday teendhada Afisyooni.

Xildhibaan Sheekh Aadan Madoobe ayaa wareeggii ugu dambeeyey ee doorashada kaga adkaaday xildhibaan Xasan Cabdinuur.

Sheekh Aadan Madoobe ayaa helay 163 cod, halka Xasan Cabdinuur uu ka helay 89 cod.

Guusha Sheekh Aadan Madoobe ayaa ka dhigan inay hadda dhisan yihiin labadii hay’ad ee sharci-dejinta islamarkaana ay leeyihiin guddoon.