Aqalka sare oo soo saaray Guddiga Doorashada Madaxweynaha

Golaha Aqalka Sare ee Baarlamaanka 11-aad ayaa maanta iska dhex doortay xubnaha Guddiga qaban-qaabada doorashada Madaxweynaha 10-aad ee Jamhuuriyadda Federaalka Soomaaliya.

Guddiga ka imaanaya dhinaca Aqalka Sare ayaa ka kooban 6-xubnood, waxaana lixda xubnood ay Aqalka Sare ku matelayaan Guddiga doorashada Madaxweynaha ee labada Gole.

Guddigaan oo lagu daray Guddiga uu soo magacaabayo Golaha Shacabka ayaa ka shaqeyn doona qaban-qaabada doorashada Madaxweynaha , iyagoona soo saari doona Jadwalka doorashada oo maalmaha soo socda  lagu wado inay ka dhacdo Magaalada  Caasimadda ee Muqdisho.

Magacyada xubnaha Guddiga ayaa kala ah:

1. Sen. Cali Maxamuud Gacal (Koonfur galbeed)
2. Sen. Cabdi Ismaaciil Samatar (Somaliland)
3. Sen. Cabdiqani Geelle Maxamed (Puntland)
4. Sen. Farxaan Cali Maxamuud (Glamudug)
5. Sen. Ibraahim Awgaab Cismaan (Jubbaland)
6. Samsam Cabdullahi Axmed (Hirshabeelle)