Guddigga Doorashooyinka Puntland ee (PEC) ayaa maanta si rasmi ah u daahfuray doorashada degmooyinka Garoowe, Dangorayo…
Guddigga Doorashooyinka Puntland ee (PEC) ayaa maanta si rasmi ah u daahfuray doorashada degmooyinka Garoowe, Dangorayo iyo Godobjiiraan ee gobolka Nugaal, kuwaas oo ka haray doorashadii dhacday 25/May/2023 ee goleyaasha deegaanka Puntland.
Dadweynaha seddexda degmo ayaa saaka u dareeray seejooyinka codbixinta doorashada, waxaana ay markii ugu horeysay codkooda ku dooranayaan xubnaha ku malatalaya golayaashaasi.
Garoowe, Dangorayo iyo Godobjiiraan ayaa waxaa iska diiwaangeliyey 64,746 qof (lixdan iyo afar kun, todoba boqol iyo afartan iyo lix) waxaana kaararka qaatay 63,649 (Lixdan iyo seddex kun iyo lix boqol iyo afartan iyo sagaal qof).
Sidoo kale waxaa laga codaynayaa 80 seejo oo ay ka sharaxan yihiin 431 musharax, waxaana doonayaa inay kasoo baxaan 81 kursi.
