Dabley hubaysan ayaa waqooyiga Kenya ka afduubtay laba adeege oo u dhashay Kuuriyada Koonfureed, meel u…
Dabley hubaysan ayaa waqooyiga Kenya ka afduubtay laba adeege oo u dhashay Kuuriyada Koonfureed, meel u dhow xuduudka Itoobiya, fiidnimadii Isniinta halka siddeed Kenyan ahna lagu toogtay dhacdo kale oo ka dhacday gobolka, sida ay sheegeen saraakiisha deegaanka.
Xuduudaha oomanaha ah ee u dhexeeya Kenya iyo Itoobiya ayaa waxaa aad ugu badan hubka, waxaana marar badan weeraro ka geysta kooxo hubaysan, waxaana sannadkii hore ay dawladdu bilowday hawlgalo ay ku doonayso in ay hubka uga dhigto shuftada deegaanka, isla markaana xasilooni iyo kala dambayn ka dhalato gobolka.
“Laba adeegayaal ah oo asal ahaan kasoo jeeda Kuuriya waa la afduubay waxaana lagu hayaa si qarsoodi ah ilaa maanta,” gudoomiyaha gobolka Marsabit Maxamuud Cali ayaa ku yiri hadal uu soo saaray Talaadadii.
Wargeyska Standard ayaa ka soo xigtay guddoomiyaha gobolka Marsabit James Kamau in nin u dhashay Kuuriyada Koonfureed iyo soddohdiis laga kaxaystay gurigooda oo ku yaalla tuulada Odda Isniintii abbaare 9-kii fiidnimo. (1800 GMT).
Digniinta taleefanka gacanta ee ninkan ayaa markii ugu dambeysay laga helay xadka Itoobiya, sida uu wakaaladda wararka ee Reuters u sheegay ku xigeenka guddoomiyaha gobolka David Saruni.
“Dadaallo lagu raadinayey isaga ayaa guul-darraystay tan iyo markii uu teleefanka dansan yahay,” Saruni ayaa yidhi.
Horseed Media
