Musharaxa madaxtinimada ee xisbiga Jamhuuriga Donald Trump ayaa sabtida ku laaban doona miyiga gobolka Pennsylvania halkaas oo uu ku dhawaaday in lagu dilo isu soo bax ka dhacay gobolka adag ee dagaalka ka socda hal bil ka hor doorashada November 5.
Isbahaysiga Trump Elon Musk, oo ah madaxa shirkadda Tesla ahna mulkiilaha baraha bulshada ee X, ayaa ka qaybgeli doona isu soo baxa. Waxay noqon doontaa markii ugu horeysay ee Musk uu ka soo muuqdo munaasabad ololaha Trump tan iyo markii uu taageeray madaxweynihii hore ka dib isku daygii dilka ee July 13.
Trump ayaa si dirqi ah uga badbaaday in madaxa laga toogto magaalada Butler oo ay ka haleeshay xabad dhegta midig, taas oo daaha ka rogtay daldaloolo halis ah oo dhanka ammaanka ah oo ka jiray dhinaca madaxweynihii hore oo horseeday in la kordhiyo tallaabooyinka ilaalinta dibad-baxyada xiga.
Waxay ahayd tii ugu horreysay ee laba isku day dil oo lagu sameeyay nolosha Trump. 15-kii Sebtembar, nin hubeysan ayaa ku dhawaad 12 saacadood isku qarinayay goobta ciyaarta Golf-ka ee Trump uu ku leeyahay West Palm Beach, Florida, isagoo qorsheynayay inuu dilo, sida ay sheegeen dacwad oogayaasha, balse waxaa ka hortagay wakiilka Adeegga sirta ee Mareykanka oo ilaalinayay goobta Trump ka hor.
Saraakiisha xisbiga Jamhuuriga ayaa rajaynaya in ku soo laabashada Trump ee Butler ay taageero badan ka dhex dhalin doonto taageerayaashiisa mayalka adag, isla markaana ay kor u qaadi doonto isu soo baxyada isaga ee Pennsylvania, gobolkaas oo isaga iyo mucaaridkiisa Dimuqraadiga, ku xigeenkiisa Kamala Harris, ay u arkaan mid muhiim u ah guusha 5-ta Nov.
Horseed Media
