Duqaymo ay ciidamada Israa’iil ka fuliyeen Marinka Gaza ayaa lagu dilay ugu yaraan 17 qof oo falastiiniyiin ah Khamiistii, sida ay dhakhaatiirtu sheegeen, iyadoo ciidamadu ay sare u qaadeen duqeymaha ay ka geysanayaan Gaza.
Lix qof ayaa ku dhintay laba weerar oo kala duwan oo xagga cirka ah oo lagu qaaday guri iyo meel u dhow cisbitaalka Kamaal Adwan ee Beit Lahiya ee waqooyiga Marinka Gaza, halka afar kalena lagu dilay weerar magaalada Khan Younis ee koonfurta.
Nuseirat, oo ka mid ah siddeedda xero qaxooti ee marinka Gaza, diyaaradaha Israa’iil waxay ku qaadeen dhowr weerar oo cirka ah oo ay ku burburiyeen dhismayaal dabaqyo ah, waxayna sidoo kale duqeeyeen waddooyinka nawaaxiga masaajid. Ugu yaraan toddobo qof ayaa ku dhintay weeraradaas, sida ay sheegeen saraakiisha caafimaadka.
Dhanka Rafah, oo u dhow xudduudda Masar, taangiyada Israel ayaa gudaha usii galay aagga waqooyi-galbeed ee magaalada, sida ay sheegeen dadka deegaanka.
Horseed Media
