Baaqyo lagu joojinayo dagaalka Israel ee Gaza iyo Lubnaan oo ka socda shir madaxeedka Riyadh

Hogaamiyayaasha Carabta iyo Muslimiinta ayaa ku nuux nuuxsaday in loo baahan yahay in la joojiyo dagaalka ay Israa’iil ka wado Marinka Gaza iyo Lubnaan, waxayna cambaareeyeen xasuuqa ay Israa’iil ku hayso shacabka Falastiin.

Arrintan ayaa timid xilli ay khudbado ka jeedinayeen furitaanka shirka wadajirka ah ee dalalka Carabta iyo Islaamka, kaasoo maanta ka furmay magaalada Riyadh.

Dhaxal sugaha Sacuudiga Maxamed Bin Salmaan:

• Waxaan carrabka ku adkeyneynaa baahida loo qabo in la sii wado dadaallada wadajirka ah ee lagu dhisayo dowlad Falastiin ah oo ku taal xudduudaha 1967 oo ay caasimaddeeda tahay Bariga Quddus.
• Xadgudubka joogtada ah ee Israa’iil ay ku hayso shacabka Falastiin ayaa caqabad ku ah dadaallada nabadda.
• Waxaan dib u cusboonaysiinaynaa diidmadayada xasuuqa ay Israa’iil ku hayso shacabka walaalaha ah ee Falastiin.
• Waxaan cambaareyneynaa howlgallada militari ee lagu beegsanayo dhulka Lubnaan, waxaana diidnay ku xad-gudubka madax-bannaanideeda.
• Waxaan diidnay weerarrada lagu qaado dhulka Iran.

Madaxweynaha Falastiin Maxamuud Cabbaas:

• Dawladda Falastiin waa in ay qaadato mas’uuliyadeeda madaxbannaanideeda oo ay ku celiso barokacayaasha guryahooda ka hor inta aan la dhisin.
• Qorshayaasha Israa’iil ee ay ku doonayaan in ay Gaza ka go’aan Jerusalem iyo joojinta deegaamaynta waa in la diidaa.
• Waa in la ilaaliyaa heerka taariikheed iyo sharci ee magaalada Yeruusaalem.
• Qaraarka Golaha Ammaanka waa in la fuliyaa si loo joojiyo gardarrada Israa’iil, gargaarna la gaarsiiyo Gaza, loogana baxo qabsashada.
• Waajibka Carabiga iyo Islaamka waxa uu ina farayaa in aynu muujino isku-duubnida heerka ugu sarreeya.

Boqorka Urdun Cabdallaha Labaad:

• Gobolka ayaa waxaa ka taagan masiibo aan loo dulqaadan karin, iyadoo in ka badan sanad uu ka soo wareegay dagaalka Israa’iil ay ku hayso Qaza.
• Go’doominta marinka Gaza waa in la jebiyaa, kor u kaca ka jira Daanta Galbeed waa in la joojiyaa, iyo madaxbanaanida Lubnaan waa in la taageero si loo gaaro nabadda gobolka.
• Dagaallada Israa’iil waa in ay si degdeg ah u joojiyaan si ay u joojiyaan burburinta oo ay uga hortagaan in gobolka loo riixo dagaal dhan walba ah.
• Waxaan rabnaa dadaallo la taaban karo oo lagu bixinayo gargaarka Marinka Gaza, waxaanan ku baaqayaa in la bilaabo buundada bini’aadantinimo si loo gaarsiiyo.

Madaxweynaha Masar Abdel Fattah El-Sisi:

• Gardarada Israa’iil ee ka dhanka ah Gaza, Daanta Galbeed iyo Lubnaan ayaa socday in ka badan hal sano iyada oo caalamku ka aamusan yahay.
• Waxaan si cad u cambaaraynaynaa ololaha dilalka qorsheysan ee ka dhanka ah dadka rayidka ah ee ku sugan Marinka Qaza.
• Mustaqbalka gobolka iyo dunidu waa isgoys, gardarrada ka dhanka ah Marinka Gaza iyo Lubnaanna hadda lama aqbali karo.
• Shuruudda lagama maarmaanka u ah xaqiijinta amniga iyo xasilloonida waa in la dhiso dawlad Falastiiniyiin ah oo ku taal xudduudaha 1967 oo ay caasimad u tahay Qudus.
• Waxaan ka soo horjeednaa dhammaan qorshayaasha lagu doonayo in lagu baabi’iyo qadiyadda Falastiin.
• Waxaan carrabka ku adkeyneynaa sida ay lagama maarmaan u tahay xabbad-joojin ka dhacda Lubnaan iyo in si buuxda loo hirgeliyo Qaraarka 1701.

Madaxweynaha Turkiga Recep Tayyip Erdogan:

• Waxaan rajeyneynaa in natiijada shirarka maanta ay calaamad u noqon doonaan rajooyinka Falastiin iyo Lubnaan.
• Iyagoo mamnuucaya UNRWA, Knesset Israel waxay hiigsanaysaa inay baabi’iso xalka labada dal.
• Xukuumadda Netanyahu ayaa ka shaqaynaysa sidii ay sare ugu qaadi lahayd xiisadda milateri ee kala dhaxaysa Iran oo dhinac ah, waxayna sii waddaa weerarada ka dhanka ah Lubnaan
• Waxaa muhiim ah in aan sii wadno dadaalka aan ugu jirno in aan tallaabo ka qaadno kuwa xasuuqa ka wada Falastiin.
• Aad bay muhiim u tahay in cunaqabataynta hubka lagu soo rogo Israa’iil lagana hortago ganacsiga.
• Israa’iil waa in ay go’doomiso caalamka haddii aysan joojin gardarrada ay ku hayso Marinka Gaza iyo Lubnaan.
• Waxa aanu Israa’iil ku dhaqan gelinay xannibaado ganacsi oo cusub, waxa aanu gelin doonaa wax badan haddii aanay joojin gardarrada.
• Waa inaan ku dhiirigelinaa dalal badan inay aqoonsadaan Dawladda Falastiin.

Raiisel wasaaraha Lubnaan Najib Mikati:

• Gardarada Israa’iil ee ka dhanka ah Lubnaan waxa ay sababtay khasaare bini’aadantinimo oo aad u weyn waxana ay keentay in ilaa 1.2 milyan oo qof ay ka barakacaan guryahooda.
• Gardarrada Israa’iil ee Lubnaan waa in si degdeg ah loo joojiyo oo xabbad joojin lagu dhawaaqaa.
• Waxaan ku baaqayaa in si degdeg ah loo joojiyo gardarada ka dhanka ah Lubnaan, xabbad joojin, iyo in dib loogu soo celiyo hawlgelinta qaraarka 1701.
• Waxaan ku baaqayaa in la taageero dawladda Lubnaan iyo hay’addeeda iyo in la sii wado dirista gargaarka bini’aadantinimo.
• Lubnaan waxa ay maraysaa dhibaato taariikhi ah oo aan hore loo arag.
• Lubnaan waxa ay maraysaa dhibaato aan hore loo arag, waxana ay la ildaran tahay gardarro qaawan oo ka hor imanaysa dhammaan xeerarka caalamiga ah.
• Israa’iil ma sii wadi karto gardarrada ay ku hayso Lubnaan iyo madax-bannaanideeda iyada oo aan la xisaabtan iyo kormeerid la’aanteed.
• Gardarada Israa’iil ee ka dhanka ah Lubnaan waxay sababtay khasaare bini’aadantinimo oo aad u weyn.
• Gardarada Israa’iil ee ka dhanka ah Lubnaan waxa ay sababtay khasaare bini’aadantinimo oo baaxad leh iyo barokaca ilaa 1.2 milyan oo qof oo ka qaxay guryahoodii.

Horseed Media