Duufaanta Florence ayaa saaka oo Jimce ah gaartay xeebaha gobalada North Carolina iyo South Carolina ee xeebaha bariga dalkaasi Maraykanka.
Dabeylaha iyo roobka ay duufaantan wadato ayaa durbaba fatahaad ka dhaliyey qeyb kamid ah labadaasi gobal ee saaran xeebta bada Atlantic-ga, waxaana la filayaa in duufaanta maanta gudaha usii gasho dhulkaasi walow ay hoos u dhaceen awooda dabeylaha duufaantan.
Dad ku dhaw 100 kun qof oo ku nool gobalka North Carolina ayaa la sheegay in guryahooda ay ka go`antahay korontada, xili weli duufaantan wada gaarin gobaladaasi.
Guddoomiyaha gobalka North Carolina oo ugu baaqay shacabka inay isaga qaxaan goobaha la filayo inay duufaantan ku dhufato ayaa sheegay in khatarta ugu weyn ay tahay fatahaada la filayo inay ka dhashaan biyaha duufaatan wadato.
Sida ay sheegeen khubarada Duufaantan iyo roobka ay wadato ayaa la filayaa inay muddo sadex maalmood ah keenaan biyo aad u badan oo u dhigma 8 bilood oo roob xariir ah socday, waa siday hadalka u dhigeenee.
Kumanaan kun oo shacab ah oo guryahooda ka qaxay ayaa gabaad ka dhigtay 126 goobood oo ay dowlada u diyaarisay.
This morning, a high definition camera outside of the @Space_Station captured a stark and sobering view of #HurricaneFlorence as it churned across the Atlantic with winds of 130 miles an hour. Take a closer look: https://t.co/IWZCzy2ZLV pic.twitter.com/9gIJ8PA8ng
— NASA (@NASA) September 12, 2018
Horseed Media
