Wasiirka Batroolka Federaalka Soomaaliya oo goordhaw shaaciyey inuu saxiixay heshiis baarida Batroolka Soomaaliya ayaa waxaa si…
Wasiirka Batroolka Federaalka Soomaaliya oo goordhaw shaaciyey inuu saxiixay heshiis baarida Batroolka Soomaaliya ayaa waxaa si deg degleh uga jawaabay Raysalwasaare Rooble iyo waliba Villa Soomaaliya.
Wasiirka Cabdirashid ayaa bartiisa Twitterka ku shaaciyey heshiiskan.
Qoraal uu soo saaray Xafiiska Raysalwasaare Rooble ayaa lagu yiri:
Heshiiska la sheegay in Wasiirka Batroolku uu saxiixay ee la xiriira arrimaha Shidaalka Soomaaliya waa mid sharci darro ah oo aan loo marin waddo shirci ah sidaas darteed waxba kama jiraan.Ra’iisulwasaraha ayaa qaadi doonaa tallaabooyin sharci ah oo looga jawaabayo falkaas xadgudubka ku ah Hantida Qaranka iyo dhaxalka Jiilalka soo socda si loo ilaaliyo amaanada Ummadda Soomaaliyeed.
Sidoo kale qoraal lagu daabacay barta Facebook ee Villa Soomaaliya ayaa lagu sheegay in heshiiskan aysan dhankooda la socon, wuxuuna u qornaa sidatan;
Burin Heshiiska Xirmooyinka Shiidaalka ee uu galay Wasiirka BatroolkaMuqdisho, 19ka Febraayo 2022: Madaxtooyada Jamhuuriyadda Federaalka waxay caddeynaysaa in heshiiska uu saxiixay Wasiirka Batroolka iyo Macdanta uusan wax wadatashi ah kala yeelanin Madaxweynaha JFS Mudane Maxamed Cabdullaahi Farmaajo.
Iyadoo la tixraacayo wareegtadii uu Madaxweynuhu soo saaray 7dii August 2021 taasoo lagu joojiyay inaan la gali karin wax heshiisyo ah xilligan lagu jiro doorashooyinka, waxaan halkan ka caddeynaynaa inuusan dhaqan gal ahayn heshiiska uu haatan soo saxiisay Wasiirka Batroolka.
Madaxweynuhu wuxuu mar kale farayaa dhammaan hay’adaha Dowladda inay ka fogaadaan xilligan xasaasiga ah in hantida dadweynaha looga faa’iideysto si aan u adeegaynin danta guud, qof walbana lagula xisaabtamayo ku takfilka hantida qaranka.Madaxweynuhu wuxuu adkaynayaa in hay’adaha dowladda ay ka fogaadaan tallaabo kasta oo dhaawici karta sumacadda dowladda iyo hay’adaheeda.
