Madaxweynaha cusub ee dalka Sri Lanka, Anura Kumara Dissanayake ayaa xafiiska la wareegay isniintii, isagoo balan…
Madaxweynaha cusub ee dalka Sri Lanka, Anura Kumara Dissanayake ayaa xafiiska la wareegay isniintii, isagoo balan qaaday isbedel ka dhici doona jasiirada oo ay muddo dheer hogaaminayeen qoysas siyaasadeed oo awood leh, kuwaas oo ka soo kabanaya dhibaatadii dhaqaale ee ugu xumayd in ka badan todobaatan sano.
Malaayiin reer Sri Lanka ah ayaa u codeeyay hogaamiyaha cusub oo ahaa xildhibaan mucaarad ah, iyaga oo aaminay ballan qaadkiisii dagaal-ku-dirirka oo uu wacad ku maray in uu xoojin doono soo kabashada dhaqaale ee jilicsan.
“Waxaan ballan qaadayaa… inaan muujino sida ay nooga go’an tahay ilaalinta dimoqraadiyadda,” Dissanayake, oo 55 jir ah, ayaa ka sheegay hadal uu ka jeediyay xafladdii caleema saarka ee xafiiska madaxweynaha, isagoo sheegay in uu xilka la wareegayo waqti adag oo ka jira badweynta Hindiya.
“Siyaasaddeennu waxay u baahan tahay inay nadiif noqoto, dadkuna waxay ku baaqeen dhaqan siyaasadeed oo ka duwan,” ayuu hadalkiisa ku daray. “Diyaar ayaan u ahay in aan ku dhaqaaqo isbeddelkaas.”
Horseed Media
