Published: April 7, 2020
Dowladda federaalka ee Soomaaliya ayaa sheegtay inuu soo gaaray shaybaarkii lagu baaro cudurka Coronavirus oo ay hore u dalbadeen.
Wasiirka Caafimaadka dowladda federaalka Dr. Fowsiyo Abiikar Nuur ayaa maanta shacabka Soomaaliyeed ugu bishaareysay in hadda wixii ka dambeeya xarunta Sheybaarka Qaranka ee Muqdisho lagu baaridoono Cudurka Corona-virus.
Dowladda Federaalka ayaa markii hore u diri jirtay muunadaha cudurka ee dadka laga qaado shaybaarada lagu baaro cudurka coronavirus ee Magaaladda Nairobi ee Kenya.
Dowladda federaalka waxa ay walaac ka muujiyey Xaaladda cudurka COVD-19 ee Soomaaliya, iyo cabsida ay ka qabaan inuu ku dhex faafo bulshada. cudurka ayaa laga helay 7 qof sida ay sheegtay wasaaradda caafimaadka federaalka.
HORSEEDMEDIA
