Ka dib markii sirdoonka Ukraine ay sheegteen mas’uuliyadda weerarka halista ah ee ka dhacay Moscow, mas’uuliyiinta Ruushka ayaa xiray nin u dhashay Uzbekistan.
Maamulka Ruushka ayaa Arbacadii sheegay in ay xireen muwaadin Uzbekistan ah ka dib markii Jeneraal sare lagu dilay bam lagu soo qariyay Scooter koronto ku shaqeeya.
“Muwaadin u dhashay Uzbekistan, oo dhashay 1995, ayaa la xiray waxaana loo xirey tuhun ah in uu geystay weerarka uu ku baxay a taliyaha ciidamada difaaca hubka shucaaca, kiimikada iyo bayoolojiga ee Ruushka, Igor Kirillov iyo kaaliyihiisa Ilya Polikarpov,” Guddiga baaritaanka. ayaa ku yiri bayaan ay soo saareen.
Waxa ay sheegtay in tuhmanaha oo 29 jir ah uu qirtay “in ay askareeyeen ciidamada gaarka ah ee Ukraine”, halka wakaaladda wararka ee Ruushka ee TASS ay sheegtay in ninkan la siiyay lacag dhan $100,000 oo dollar iyo inuu u safro Midowga Yurub.
Lt. Gen. Igor Kirillov iyo kaaliyihiisii ayaa lagu dilay bannaanka xaafad ku taal koonfurta bari ee magaalada Moscow subaxnimadii Talaadada ka dib markii qalab lagu soo qariyay ama lagu xiray mooto ama Scooter meel fog laga qarxiyay. Labada qof ayaa u muuqda in isla markiiba la dilay.
Wasaaradda arrimaha dibadda ee Ruushka ayaa Arbacadii sheegtay in ay kor u qaadi doonto dilkan oo ay horgeyn doonto golaha ammaanka ee Qaramada Midoobay 20-ka December.
Afhayeen u hadashay wasaaradda arrimaha dibadda oo lagu magacaabo Maria Zakharova ayaa sheegtay in cid kasta oo ku lug lahayd dilkaas la heli doono lana ciqaabi doono.
Qodobka 51-aad ee axdiga Qaramada Midoobay ayaa dhigaya: “Ma jiro wax ku qoran axdigan xaadirka ah oo wax u dhimaya xaqa is-difaaca shakhsiga ah iyo kuwa guud haddii weerar hubeysan uu ku dhaco xubin ka tirsan Qaramada Midoobay.”
HORSEED MEDIA
