Taliyaha Ciidamada Booliska Puntland Sareeyo Guuto Cabdi Xasan Xuseen (Cabdi Yare) oo shalay safar gaaban ku yimid magaalada Qardho ayaa saaka kormeer ku tagey xarunta taliska qaybta booliska gobolka karkaar iyo saldhiga degmada Qardho.
Waxaana uu kulankan la qaatay Taliyayaasha qaybta booliska gobolka Karkaar, Taliyaha Saldhiga Degmada Qardho, Taliyaha Garoonka diyaaradaha Qardho, taliyaha laanta canshuuraha berriga gobolka Karkaar iyo saraakiisha kale.
Taliye Cabdi Yare oo warbaahinta la hadlay ayaa sheegay inuu safarkiisu quseeyey dardargelinta hawlaha ciidamada booliska Puntland isla markaana uu maanta kormeer ku tagey xarumaha taliska booliska gobolka iyo degmada isagoo kulan is-xogwaraysi ah la qaatay Masuuliyiinta Booliska Gobolka Karkaar iyo kan degmada Qardho.
Horseed Media
