Xilli ciyaareedkan 2019-20 heerka Guruubyada Champions League ayaa la soo gabagabaynayaa bishan December, laakiin 14 kooxood ayaa soo baxay iyadoo 16-kooxood laga doonayo inay u soo gudbaan wareegga kala baxa tartankan.
Kaddib kulamadii xalay la ciyaaray saddex kooxood ayaa xaqiijiyey inay u soo gudbeen wareegga 16-ka Champions League 2019-20 waxaana ay kala yihiin, Paris Saint-Germain, Bayern Munich iyo Juventus.
14-ka kooxood ee xaqiijiyey illaa iyo haatan inay u soo baxeen wareegga 16-ka Champions League iyo koox waliba kaalinta ay ku soo baxday:-
Manchester City ayaa xaqiijisatay inay kaalinta koowaad kaga soo baxday Group C, laakiin waxaa la sugi doonaa kooxdii wareegga 16-ka kula biiri lahayd Shakhtar Donetsk, Dinamo Zagreb iyo Atalanta.
Dhinaca kale waxaa la sugi doonaa kooxdii Atletico Madrid iyo Bayer Leverkusen kula biiri lahaa Juventus oo xaqiijisatay inay Group D kaga soo baxday kaalinta koowaad.
