Wasaaradda Gaashaandhigga Soomaaliya ayaa xaqiijisey weerar dhanka cirka ah oo lagu diley horjooge ka tirsanaa argagaxisada…
Wasaaradda Gaashaandhigga Soomaaliya ayaa xaqiijisey weerar dhanka cirka ah oo lagu diley horjooge ka tirsanaa argagaxisada al-Shabaab, kaas oo ka dhacay Gobolka Bakool, meel u dhaw magaalada Waajid, weerarka ayaa la fuliyey maanta oo jicme ah.
Horjoogaha al-Shabaab ayaa magiciisa lagu sheegay Isaaq Cabdullaahi Afey, waxaana lala diley dhammaan ilaaladiisii oo gaareysey 8 askeri.
Dadka deeegaanka ayaa warbaahinta u sheegay in Isaaq Cabdullaahi u qabaisalanaa al-Shabaab hawlgalada iyo isku dubaridada qaraxyada, tashkiilinta iyo abaabulka dhalinyarada.
Al-Shabaab ayaa dhankooda sheegtey in duqeyntu ay dhacdey laakiin Maraykanku ay dileen 8 qof oo rayid ah magaalada Buurdhuxunlle ee gobolka Bakool oo waqooyiga kaga beegan Waajid.
Maraykanka ayaa kordhiyey weerarada cirka ee uu la beegsanaayo malayshiyada al-Shabaab, iyaga oo taageeraya dowaldda federaalka ah, waxaana duqeyntii ugu ba’neyd ka dhacdey Shabeelada Dhexe todobaadkii hore.
Horseed Media
