Published: January 29, 2018
by: Ali. Y
Guddoomiyaha Gobolka Banaadir Injineer Cabdiraxmaan Cumar Cismaan Yariisow oo ay weheliyaan ku xigeenadiisa ayaa kormeer ku tagay Xarunta Dowladda Hoose ee magaalada Muqdisho tan iyo markii xilkaasi loo magacaabay.
Injineer Yariisow iyo madaxdii la socotay ayaa waxaa Xarunta ku soo dhoweeyay Guddoomiyihii hore ee Gobolka Mudane Taabit Cabdi .
Xaflad uu xilka kula wareegayo Guddoomiyaha cusub ee gobolka Banaadir Innjineer Yariisow ayaa lagu wadaa in lagu qabto xarunta Dowladda hoose ee Xamar, iyadoo munaasabadaasi ay ka soo qeyb geli doonaan Madax ka tirsan Dowladdas Soomaaliya
Duqa magaalada Muqdisho ahna Guddoomiyaha Gobolka Banaadir Injineer Yarisow ayaa xilal kale duwan ka soo qabtay xukumadihii ugu dambeeyey ee dalka.
Horseed Media 2018
