Guddoomiyaha xisbiga mucaraadka Somaliland c/raxmaan Ciro oo shi Jaraa;id ku qabtay Magaaladda Hargaysa ayaa sheegay inuu aqbalay in la kala diro xubnaha guddiga doorashada Somaliland.
![](https://horseedmedia.net/wp-content/uploads/2019/12/Cirociro-1024x578.jpg)
Wuxuu sheegay in xisbigiisa iyo xisbiga kale ee Ucid ay si wadajir u aqbaleen go’aamadii ay soo saareen ergadii isku xilsaartay inay dhexdhexaadiyaan xukuumadda iyo ururada mucaraadka ee Somaliland
“Waxaan u sheegayaa shacabka iyo dadka daneeya Somaliland in Labada xisbi ay aqbaleen dhammaan go’aamadii ay soo saareen ergadii dhexdhexaadinta” ayuu yiri Guddoomiye Ciro, isagoo sii raaciyay ” Waxaan intaa ku darsanayaa Ninkii gardiidka ahaa, maantana ha ku darsado ergo diid”
Dhinaca kale, Madaxweynaha Somaliland iyo xisbigiisa kulmiye weli kama hadlin sida ay u arkaan go’aanka ergada dhexdhexaadinta ee ah in la kala diro guddiga doorashada Somaliland.
HORSEEDMEDIA