Ciidamada Amaanka ee ka hawlgallo degmada Caabudwaaq ayaa howlgallo amniga lagu sugayo maanta ka bilaabay degmadaas.
![](https://horseedmedia.net/wp-content/uploads/2022/04/Caabudwaq-amni-170422-2.jpeg)
Howlgalkan oo ah mid qorsheysan ayaa looga gol leeyahay sidii loola dagaalami lahaa dadka hubka sharcidarada ah ku dhex sita gudaha degmada, loona xaqiijin lahaa ammaanka guud ee degmada Caabud-waaq ee gobolka Galgaduud.
![](https://horseedmedia.net/wp-content/uploads/2022/04/Caabudwaq-amni-170422-1.jpeg)
Guddoomiyaha degmada Caabud-waaq Faarax Cabdulle oo ay weheliyaan xildhibaano iyo saraakiil ciidan ayaa horkacayay howlgalkan, waxayna ciidanka baro-kontarol oo lagu hubiyo gaadiidka ka sameysteen waddooyinka laga soo galo magaalada.
![](https://horseedmedia.net/wp-content/uploads/2022/04/Caabudwaq-amni-170422-3.jpeg)
Qalbi Axmed Cali oo ah taliyaha qeybta Booliska gobolka Galgaduud ayaa digniin adag u diray dadka hubka aan ahayn kan laamaha amniga ku dhex wata degmada in ay ka waantoobaan, islamarkaana la shaqeeyaan hay’adaha amniga.