Jilaaga caanka ah ee Tom Hanks oo matalay filmkii Captain Phillips ee laga sameeyay Burcad-badeeda Soomaalida ayaa waxaa laga helay cudurka Coronavirus
Warbixin uu soo saaray Jilaagu ayuu sidoo kale ku sheegay in cudurka Coronavirus laga helay xaaskiisa Rita Wilson oo sidoo kale ah jilaa iyo heesaa caan ka ah adduunka.
Tom Hanks oo ku sugan dalka Australia halkaasi oo uu ku jilayay filim cusub ayaa sheegay inuu dareemay Xumad, Qabow iyo daal farabadan kadibna laga baaray Cudurka oo laga helay.
Jilaaga iyo Xaaskiisa oo haatan la karantiilay ayaa la daawaynayaa, waxaana gebi ahaaba la joojiyay filmkii ay jilayeen.
Hay’adda caafimaadka adduunka ee WHO ayaa sheegtay in cudurka Coronavirys uu galay marxaladii ahayd Pendemic oo macneheedu yahay cudur goostay xargaha oo gaaray caalamka oo idil.
HORSEEDMEDIA
