Madaxweynaha Puntland Dr. Cabdiweli Maxamed Cali Gaas ayaa xilkii ka qaaday guddoomiyaha hay`adda Wadooyinka Puntland (PHA) Maxamuud Cabdinuur Aadankadib markii xafiis kiisa uu ka soo saaray degreeto nambarkeedu yahay LR.21 ee March 03 2017 kuna saabsan xilka qaadis .
Degreetada ka soo baxday xafiiska Dr. Cabdiweli Maxamed Cali Gaas ayaa sidoo kale lagu sheegay i xilkaasi uu si KMG ah u siihayn doono guddomiye ku xigeenka hay`adda Wadooyinka Puntland.
Hadaba xilka qaadista ayaa u qornayd sidan
Madaxweynaha Puntland.
Markuu arkay: Dastuurka Puntland.
Markuu arkay. Garawsaday baahida loo qabo isbedel lagu sameeyo Maamulka sare ee hay`adda Wadooyinka Puntland.
Markuu tixgeliyey: Talo soo jeedinta Guddiga sare ee Hay`adda PHA (BOD).
Wuxuu xeeriyey
Wuxuu xilkii ka qaaday Guddoomiyaha Hay`adda Wadooyinka Puntland Maxamuud Cabdinuur Aadan.
Waxaa xilkaas si KMG ah usiihaynaya Guddomiye ku xigeenka Hay`adda Wadooyinka Puntland.
Xeerkani wuxuu Dhaqan gelayaa markuu Madaxweynuhu saxeexo, wuuna saxeexay Madaxweynuhu.
Faafin Horseed Media 2017
