Madaxweynaha Ukraine Volodymyr Zelenskiy iyo Amiirka Qatar ayaa maanta oo Arbaca ah ka wada hadlay sidii…
Madaxweynaha Ukraine Volodymyr Zelenskiy iyo Amiirka Qatar ayaa maanta oo Arbaca ah ka wada hadlay sidii loo soo afjari lahaa colaadda Ukraine ee 27-ka bilood ka socotay Ruushka iyo dadaallada lagu doonayo in lagu sii wado isgaarsiinta, sida ay ku warrantay wakaaladda wararka ee Qatar ee QNA.
Zelenskiy waxa kale oo uu ka hadlay wada-hadalladii uu Qasriga Lusail kula yeeshay Amiir Sheikh Tamim bin Hamad al-Thani, oo ay ku jiraan u diyaar-garowga shir-madaxeedka nabadda ee Switzerland oo toddobaadka soo socda aan lagu martiqaadin Ruushka.
QNA waxay sheegtay in wada-hadallada ay diiradda ku saareen horumarrada colaadda, “oo ay ku jiraan dadaallada beesha caalamka ee lagu joojinayo dagaalka, ilaalinta rayidka, iyo in dhammaan dariiqyada isgaarsiinta ay furnaadaan si xiisadda loogu xalliyo wadahadal iyo habab diblomaasiyadeed”.
Waxaa sidoo kale laga hadlay dadaallada lagu kobcinayo xiriirka labada dal, ayay hay’addu sheegtay. Zelenskiy ayaa u mahad celiyay Amiirka taageerada uu siiyay madaxbanaanida dhuleed ee Ukraine iyo taageerada imaaraadku uu ku taageeray qaraarada Qaramada Midoobay ee lagu cambaareeyay Ruushka.
Horseed Media
