Wafdi uu hogaaminayo Madaxweynaha Puntland Siciid Cabdullahi Deni oo ay ku jiraan qaar kamid ah Golaha…
Wafdi uu hogaaminayo Madaxweynaha Puntland Siciid Cabdullahi Deni oo ay ku jiraan qaar kamid ah Golaha Wasiirada ayaa si diiran loogu soo dhaweeyey degmada Godob-jiiraan ee Gobolka Nugaal.
Degmada Godob-jiiraan ayaa kamid ahayd sadexdii degmo ee Gobolka Nugaal oo ay todobaadkan ay ka dhaceen doorashooyinka qof iyo cod ee golayaasha deegaanka.
Madaxweynaha Puntland ayaa bogaadiyey sidii wanaagsaneyd oo ay kusoo dhamaatay doorashada, isagoo sheegay in ay degmada u yimaadeen sidii wax looga qaban lahaa baahiyaha bulshada degmada.
Siciid Deni ayaa sheegay in wax laga qaban doono arrimaha deegaanka sida biyaha, beeraha iyo kahor taga bacaadka, sidoo kale in wax laga qabtay adeegyada caafimaadka ee degmada iyo dhawaan in la dhisay isbitaal cusub.
Wuxuu Madaxweyne Deni sheegay in dhamaan Wasiirada kala duwan ee la socda laga doonayo inay wax uga qabtaan si deg deg ah dhamaan adeegyada kale ee bulshada ee loo baahan yahay.
Madaxweynaha ayaa uga mahadnaqay shacabka deegaanka sida ay uga shaqeeyeen dhanka amniga iyo illaalinta deegaanka.
Horseed Media
