Madaxweynaha dowladda federaalka Maxamed Cabdullaahi Farmaajo iyo wefti uu hoggaaminayo ayaa gaaray magaaladda Jabuuti ee caasimadda dalka Jabuuti, halkaasi oo uu kula kulmi doono madaxweynaha Somaliland Muuse Biixi Cabdi
![](https://horseedmedia.net/wp-content/uploads/2020/06/104101537_3068452656572525_1987695703150613981_n-1.jpg)
Wafdi uu madaxweynuhu hoggaaminayo waxaa ka mid ah Guddoomiyaha Golaha Shacabka Maxamed Mursal Sheekh, Ra’iisul Wasaaraha XFS Mudane Xasan Cali Khayre iyo xubno ka tirsan goleyaasha dowladda
Wafdiga Madaxweynaha ayaa u ambabaxay dalka Jabuuti halkaas oo ay kaga qeyb geli doonaan wadahadallada u dhaxeeya Dowlada Federaalka ah ee Soomaaliya iyo Somaliland.
Wadahadalandan oo uu martigalinayo Madaxweynaha Jabuuti Ismaaciil Cumar Geele, waxaa Sidoo kale lagu casuumay ra’iisul-wasaaraha Ethiopia, Abiy Axmed, Safiirka Maraykanka ee Somaliya, wakiillo ka kala socda urur goboleedka IGAD, Midowga Africa iyo Midowga Yurub.
HORSEEDMEDIA