Madaxweynaha Jamhuuriyadda Federaalka ee Soomaaliya, Maxamed Cabdullaahi Farmaajo ayaa ugu hambalyeeyay dhiggiisa Faransiiska, Emmanuel Macron guusha uu ka gaaray doorashada dalkaasi, ka dib markii loo doortay inuu dalka sii hoggaamiyo shanta sano ee soo socoto.
“Dowladda iyo shacabka Soomaaliyeed waxay ugu hambalyeynayaan Madaxweyne Emmanuel Macron dib u doorashadiisa, waxaana u rajaynaynaa guul.” Ayuu Madaxweyne Farmaajo ku sheegay bartiisa Twitter-ka.
Sidoo kale, Madaxweyne Farmaajo ayaa tilmaamay in labada dal uu ka dhaxeeyo iskaashi soo jireen ah, waxaana doonaynaa buu yiri inaan sii xoojino.
“Faransiiska iyo Soomaaliya waxaa ka dhaxeeya iskaashi soo jireen ah, waxaana doonaynaa inaan sii xoojino.” ayuu yiri Farmaajo.
Madaxweyne Macron ayaa guul muhiim ah ka gaaray haweeneyda Xisbiga Midigta Fog ee Marine Le Pen.
