Maxkamadda Caalamiga ah ee Caddaaladda ayaa go’aan ka soo saartay dacwadii badda ee u dhaxaysay dowladaha Kiiniya iyo Soomaaliya, waxayna aqbashay dalabkii Soomaaliya inay qaado dacwadaasi.
Maxkamada oo galabta saacaddu markey ahayd 15:00 xiliga Soomaaliya u fariisatey ku dhawaaqidda go’aanka ayaa diidaydalabkii Kenya ee ahaa in aysan Maxkamaddu gelin dacwadda ee labada dal mar kale wada hadlaan.
Qareemadda u doodaya Soomaaliya ayaa sheegay inheshiiskii is-faham MOU uu ahaa sharci, balse dowladda Kiiniya ay si khaldan u adeegsatay, kaas oo dbigaayey in labada dal mid walba si iskiis ah u gudbiyo dalabka ka badan 200nm, laakiin Soomaaliya ay ogaatey in Kiinya ay wax ka beddeshey qaabka xariiqda soohdintu u taaley.
Dowladda Federaalka ah ee Soomaaliya waxaa ay ka codsatay maxkamadda in ay calaamadeyso soohdinta badda, go`aanna ay ka gaarto xuduudda.
Go’aankan ka soo baxay ayaa wuxuu guul u yahay Dowladda iyo Shacabka Soomaaliyeed.
Horseed Media
