RW. Rooble oo koobka gobolka Banaadir gudoonsiiyey degmada Shengaani

Raysalwasaaraha Soomaaliya Maxamed Xuseen Rooble ayaa ka qeyb galay daawashada ciyaarta dhammaadka tartanka Koobka degmooyinka Gobolka Banaadir.

Ciyaarta ugu danbeysay tartankan oo u dhaxeysay degmooyinka Shengaani iyo Cabdicasiis ayey guusha ku raacday kooxda Shengaani oo markii ugu horeysay koobkaasi qaaday.

Ciyaarahan oo todobaadyadii lasoo dhaafay ka socday magaalada Muqdisho ayuu sheegay Raysalwasaare Rooble inay qeyb ka tahay isdhexgalka bulshada, nabadda iyo dhiirgelinta dhalinyarada.

Horseed Media