Kooxo ku hubeysan bastoolado ayaa xaley gudaha degmada Dharkeenley ku dilay, Imaamka masaajidka Dabaqeynka ee degmadaasi Sheekh Cabdicasiis Maxamed Xirsi.
Iimaanka ayaa la toogtay xilli uu kasoo baxay masaajidka, waxaana isla markiiba goobta ka baxsaday raggii falka geystay.
Dilka Sheekh ayaa kamid noqonaya dilal qorsheysan oo horey uga dhacay magaalada caasimadda ah ee Muqdisho
Dhanka kale waxaa saaka xaafadda Sii-Sii ee degmada Deyniile ee magaalada Muqdisho lagu dilay Sarkaal la sheegay inuu ka tirsanaa Ciidanka dowladda Federaalka gaar ahaan kuwa Milateriga, kaasi oo lagu magacaabi jiray Cabdullaahi Xuseen Warsame (Waran ).
Dad goobjoogayaal ah ayaa sheegay in dabkey watay Mooto nooca Fekon-ta loo yaqaan ay dileen Jeneraal Cabdullaahi Xuseen Waran oo durbadii ku dhintay goobta lagu toogtay.
Horseed Media
