Madaxweyne Kuxigeenka Puntland Iyo Wasiirka Shaqada Soomaaliya Oo Ku Kulmay Garowe

Ku-simaha madaxweynaha Puntland, ahna madaxweyne ku-xigeenka Axmed Cilmi Cismaan Karaash ayaa qasriga madaxtooyada Puntland ee Garoowe ku qaabilay wasiirka wasaaradda shaqada iyo arrimaha bulshada ee dowladda federaalka Soomaaliya Duraan Axmed Faarax iyo wefti uu hoggaaminayo.

Kulanka waxaa ka qeybgalay wasiir ku-xigeenka wasaaradda shaqada, shaqaalaha, dhallinyarada iyo ciyaaraha ee Puntland marwo Hodan Saciid iyo agaasimaha guud ee madaxtooyada Puntland Maxamed Cabdirashiid.

Wasiir Duraan ayaa madaxweyne kuxigeenka uga warbixiyey ujeedka safarkooda oo ah inay taageero dhaqaale oo siiyaan qoysaska uu saameynta ku yeeshay Ayaxa, kaas oo qayb ka ah barnaamijka Baxnaano.

Horseed Media