Madaxweyne Volodymyr Zelensky ayaa Jimcihii ku dhawaaqay in dhammaan madaxda xarumaha qorista ciidamada ee Ukraine laga…
Madaxweyne Volodymyr Zelensky ayaa Jimcihii ku dhawaaqay in dhammaan madaxda xarumaha qorista ciidamada ee Ukraine laga eryay shaqooyinkoodii iyadoo ay jirto walaac laga qabo musuqmaasuq.
Cayrinta tirada badan ayaa timid iyadoo Ukraine ay ku boorisay dadka rayidka ah ee u dhow jiidda hore ee waqooyi bari inay ka baxaan goobahaas iyadoo Ruushku uu kor u qaaday weerarka si uu dib ugu qabsado dhul mar hore laga qabsaday intii uu socday iskahorimaadka.
“Nidaamka diiwaangelinta waa in ay maamulaan dad si dhab ah u garanaya waxa dagaalku yahay iyo kahorta laaluushka oo ah khiyaano Qaran” ayuu ku yiri Madaxweynaha sida uu ku qoray bartiisa fariimaha Telegram-ka.
Zelensky wuxuu sheegay in Jeneraalka ugu sareeya Valery Zaluzhny uu mas’uul ka noqon doono fulinta go’aanka iyo buuxinta jagooyinkaas.
Ukraine ayaa la kulantay caqabado shaqaaleysiin ah iyadoo dagaalka ay kula jiraan Ruushka uu ku sii dhawaanayo 18 bilood, waxaana ciidamada mararka qaar la kulma fadeexado muujinaya habacsanaan ama xeelad xumo.
Horseed Media
