Waxaa maanta oo Axad ah gaaray Marinka Gaza kolonyadii labaad oo sida gargaar bini’aadamnimo, kuwaasi oo…
Waxaa maanta oo Axad ah gaaray Marinka Gaza kolonyadii labaad oo sida gargaar bini’aadamnimo, kuwaasi oo ka tilaabay xaduuda Rafax ee xadka Masar.
Gargaarkan loo wado Gaza ayaa ah mid kooban oo aan dabooli karin baahida ka jirta deegaanka go’adoonsan ee Gaza. Shalay ayey gawaari gaareysa 25 oo cunto iyo daawo sida gaareen Gaza.
Dadka Falastiiniyiinta ku nool Marinka Gaza ayaa gebi ahaan adeegooda asaasiga ah ka heli jiray dibada, waxaana horey maalin walba tagi jiray Gaza 500 gawaari xamuul ah, taasi oo muujineysa tirada hada gaartay deegaankaasi ay aad uga hooseyso baahida shacabka ku nool dhulkaas.
Dhinaca kale Israa’iil ayaa xalay duqeyn cirka ah la beegsaday Masaajid ku yaal magaalada Jenin ee daanta galbeed, halkaasi oo ay ku dhinteen ugu yaraan 2 qof.
Sidoo kale xaduuda Waqooyi ee Israa’iil la wadaagto Lubnaan weli ka socda duqeynta ay is dhaafsanayaan kooxda Xisbullah iyo Israa’iil oo hada bilay inay dadkooda ka daadgureyso magaalooyinka xaduuda saaran.
Horseed Media
