Ku dhawaad 12 sarkaal oo ka tirsan militariga Bolivia ayaa la xiray ka dib isku daygii…
Ku dhawaad 12 sarkaal oo ka tirsan militariga Bolivia ayaa la xiray ka dib isku daygii afgambiga ee Arbacadii, wasiir sare oo ka tirsan dowladda ayaa u sheegay telefishinka maxalliga ah Khamiistii, isagoo intaa ku daray inay wajahayaan eedeymo horseedi kara 15 ilaa 30 sano oo xabsi ah.
Afgambigii dhicisoobay oo saacado badan qaatay ayaa la arkay taliyihii militariga ee qaranka Andean ee shaqada laga ceyriyay oo ciidamo isugu soo uruuriyay fagaaraha weyn ee La Paz, isaga oo albaabka madaxtooyada ku garaacay baabuur gaashaaman oo u sahlay askarta inay si degdeg ah u galaan dhismaha.
Askarta ayaa ugu dambeyntii isaga baxay, waxaana booliisku ay dib ula wareegeen gacan ku haynta fagaaraha, iyadoo madaxweyne Luis Arce uu si kulul u weeraray isku daygii afgambiga, wuxuuna si deg deg ah u magacaabay jeneraal sare oo cusub.
Taliyihii hore, Juan Jose Zuniga, ayaa loo sheegay fiidnimadii Talaadada in laga xayuubin doono xilka maadaama dhaqankiisu “aan waafaqsanayn dastuurka,” ayuu yiri wasiirka arrimaha gudaha Eduardo del Castillo oo wareysi siiyay TV-ga Unitel.
Horseed Media
