Ciidanka Asluubta Soomaaliyeed ayaa soo afjaray rabshado ka dhacay xabsiga dhexe ee Xamar, waxaana ku geeriyooday…
Ciidanka Asluubta Soomaaliyeed ayaa soo afjaray rabshado ka dhacay xabsiga dhexe ee Xamar, waxaana ku geeriyooday 5 maxbuus iyo 3 askari halka ay ku dhaawacmeen 18 kale, si uu xajiiyey afhayeen u hadlay ciidanka asluubka Soomaaliyeed.
Meydadka dadka dhintay ayaa lasoo bandhigay waxaana la sheegay in ay ahaayeen dagaalyahano ka tirsan Al-Shabaab oo horay dil loogu xukumay.
Xaalada ayaa ku bilaabatay rasaas xoogan iyo qarax ka dhacay gudaha xarunta. Warar horudhac ah ayaa sheegaya in iska hor imaad uu dhex maray ilaalada xabsiga iyo maxaabiistii hubka heshay.
Saraakiisha ammaanka ayaa sheegay in jawaabta degdega ah ee Ciidanka Asluubta Soomaaliyeed ay ka hortagtay in xaalad kale oo sii adkaata, isla markaana ay sugaan ammaanka maxaabiista kale iyo shaqaalaha xabsiga.
Taliska Ciidanka Asluubta ayaa shaaca ka qaaday in dhawaan ay soo bandhigi doonaan faah faahin dhameystiran oo ku aadan sida maxaabiista ay ku heleen hubkii ay isku dayeen in ay baxsadaan.
Horseed Media
