Akhriso: Digniino kasoo baxaya roobabka gu’ga ee ka da’aya guud ahaan dalka

Wasaaradda Deegaanka iyo Isbadelka Cimilada Xukuumadda Federaalka Soomaaliya ayaa ku sheegtay warbixin ay soo saartay in Wabiga Shabeelle, dhanka Beledweyne uu cabirkiisa kor u kacay una dhowaaday heerka qatarta ah ee uu ku fataho wabiga, iyadoo ugu baaqday shacabka halkaas ku dhaqan inay ka fogaadaan goobaha biyo mareenada sida wabiyada iyo dooxyada.

Qoraalka ay wasaaradda soo saaratay ayaa u qornaa sidan:-

Goobahan ayaa helay roobabkii ugu badnaa sida ay sheegtay wasaaradda Deegaanka iyo Isbadelka Cimilada Xukuumadda Federaalka Soomaaliya.

𝐇𝐢𝐫𝐬𝐡𝐚𝐛𝐞𝐞𝐥𝐥𝐞 Beledweyne, Jalalaqsi, Jowhar (144mm)

𝐆𝐚𝐥𝐦𝐮𝐝𝐮𝐠 Galkacyo, Dhuusamareeb iyo Hobyo (128.7mm)

𝐏𝐮𝐧𝐭𝐥𝐚𝐧𝐝 Galdogob, Garoowe iyo Boosaaso: (128.7mm)

𝐉𝐮𝐛𝐛𝐚𝐥𝐚𝐧𝐝 Gedo; Baardheere, Doolow, Garbahaarey: (110mm)

𝐒𝐚𝐚𝐝𝐚𝐚𝐬𝐡𝐚 𝐒𝐢𝐭𝐢𝐦𝐚𝐚𝐧𝐤𝐚𝐧 𝟎5 𝐌𝐚𝐲 – 𝟏𝟐𝐤𝐚 𝐌𝐚𝐲 𝟐𝟎𝟐𝟒

<Roobab u dhaxeeya 𝟓𝟎𝐦𝐦 𝐢𝐥𝐚𝐚 𝟏𝟐𝟎𝐦𝐦 ayaa la filayaa in ay ka da’aan magaalooyinka kala duwan ee Dalka, waxaa ka mid ah:

𝐉𝐮𝐛𝐛𝐚𝐥𝐚𝐧𝐝 Jilib, Kismaayo, Afmadow, Bu’aale, Badhaadhe (100-120mm)

𝐏𝐮𝐧𝐭𝐥𝐚𝐧𝐝 Eyl, agagaarka Garoowe, iyo dhanka Boosaaso (50-100mm

𝐊𝐨𝐨𝐧𝐟𝐮𝐫 𝐆𝐚𝐥𝐛𝐞𝐞𝐝 (Baydhabo, Xuddur (50-100mm)

Sidoo kale, Heerkulka dalka oo dhan ayaa la filayaa inuu u dhexeeyo 𝟐𝟗-𝟑𝟕°𝐂

Wabiga Shabeelle, dhanka Beledweyne, cabirka wabiga ayaa kor u kacay una dhowaaday heerka qatarta ee uu ku fataho wabiga. Sidaas daraadeed, Waxaan ugu baaqeyna shacabka in ay ka dheeradaan goobaha biyo mareenada sida wabiyada iyo dooxyada..

Waaxda Saadaasha Hawada ee wasaaradda Deegaanka iyo Isbeddelka Cimilada ayaa warbixintan diyaarisay

Horseed Media