Published: August 11, 2022
Madaxweynaha Galmudug, Axmed Cabdi Kaariye (Qoorqoor), ayaa tababar u furay dufcadii koowaad ee ciidanka Booliska Galmudug.
Tababarka ayaa maanta si rasmi ah uga bilowday Dugsiga tababarrada ee Degmada Cadaado ee Gobolka Galgaduud.
Madaxweynaha ayaa dardaaran u jeediyay cutubyadan cusub ee uu tababarka u furmay, waxaana uu sidoo kale madaxweynuhu ku ammaanay Wasaaradda Amniga Gudaha ee Galmudug xulista iyo diyaarinta ciidamadan la carbinayo.
Madaxweyne Qoorqoor ayaa ugu dambeyn ugu baaqay saraakiisha tababarka siinaysa in ay u dhameystiraan cutubyadan dhammaan adeegyada ay ubaahanyihiin si ay uga mid noqdaan ciidanka Booliska Galmudug.
Horseed Media
