Ruushka ayaa xalay weerar diyaaradeed ku qaaday gobollada Kharkiv iyo Dnipro ee Ukraine, isagoo dhaawacay ugu…
Ruushka ayaa xalay weerar diyaaradeed ku qaaday gobollada Kharkiv iyo Dnipro ee Ukraine, isagoo dhaawacay ugu yaraan lix qof, isla markaana garaacay dhismayaal ganacsi oo muhiim ah, dhismayaal ganacsi iyo kuwo la deggan yahay, sida ay sheegeen saraakiisha gobolka Sabtidii.
Ciidamada Cirka ee dalka Ukraine ayaa sheegay in ciidamada Ruushka ay bilaabeen 13 diyaaradood oo nooca aan duuliyaha lahayn ee Shahed kuwaas oo lala beegsaday gobolada waqooyi bari iyo bartamaha dalkaasi. Unugyada difaaca cirka ayaa soo riday dhammaan diyaaradaha aan duuliyaha lahayn, ayuu yiri taliyaha ciidamada cirka.
Si kastaba ha ahaatee, burburka diyaaradaha aan duuliyaha lahayn ee Drones-ka ah ee la soo riday ayaa duqeeyay bartilmaameedyo dad rayid ah ay ku lahaayeen magaalada Kharkiv ee waqooyi bari, halkaas oo ay ku dhaawacmeen afar qof, dabna ka kacay dhismo xafiis, ayuu yiri guddoomiyaha gobolka.
Oleh Synehubov, oo wax ku qoraya barnaamijka fariimaha Telegram-ka, ayaa sheegay in ilmo 13 jir ah iyo haweeney lagu daweynayo isbitaalka. Labo dumar ah oo kale ayaa lagu daweeyay goobta. Ciidamada gurmadka ayaa xakameynayay dabka, ayuu raaciyay.
Gobolka warshadaha ee Dnipropetrovsk, laba qof ayaa ku dhaawacmay, ayuu yiri Serhiy Lysak, gudoomiyaha gobolka. Waxa uu sheegay in dhisme kaabeyaasha dhaqaalaha ah oo muhiim ah iyo saddex guri ay waxyeelo soo gaartay.
Horseed Media
