Dowladda Soomaaliya ayaa sheegtay in Ciidanka Xoogga Dalka iyo kuwa Deegaanka ee ku sugan Degmada Ceeldheer…
Dowladda Soomaaliya ayaa sheegtay in Ciidanka Xoogga Dalka iyo kuwa Deegaanka ee ku sugan Degmada Ceeldheer ee gobolka Galgaduud ay gacanta ku dhigeen saddex Horjooge oo ka tirsan Al-shabaab.
War ka soo baxay Dowladda ayaa lagu sheegay in dhowrkii maalmood ee lasoo dhaafay ayey ciidanku ku raad-joogeen saddexdaas horjooge oo ay ku dhuumaaleysanayay Deegaanka Hul-caduur ee gobolka Galgaduud.
“Howlgalka oo laga fuliyay Deegaanada Hul-caduur iyo Xalaneey ayaa lagu soo qabtay Shire Cabdi Maxamed, Cali Abgaaloow iyo Maxamuud Calasoow kuwaas oo lacago baad ah Al-shabaab uga qaadayay gaadiidka safarka ah inta mudo ahna ka tirsanaa” ayaa lagu yiri Warka.
Gobolka Galgaduud waxaa ka socda howlgallo ka dhan ah Ururka Al-shabaab, kuwaas oo laga qabsaday degaanno badan.
Horseed Media
