Published: October 11, 2023
Faransiiska ayaa bilaabay in uu ciidamadiisa kala baxo dalka Niger kadib markii ay amar ku bixiyeen hogaamiyayaasha Militariga dalkaasi, xilli ay dowlada Maraykanka ay Talaadadii shalay shaacisay inay jartay lacagtii ay siin jirtay dowlada Niger oo gaaraysa 500 oo milyan oo doolar oo loogu talagalay la dagaalanka kooxaha xagjirka ah.
Maraykanka, oo ay weheliyaan dalalka reer galbeedka oo uu Faransiiska ku jiro, ayaa ku cadaadinayey milateriga Niger sidii loo soo celin lahaa madaxweynihii la inqilaabay bishii Luulyo, Maxamed Bazoum.
Maraykanka ayaa sheegay in ciidamadooda ka jooga dalka Niger oo gaaraya 1,000 askari ay halkaasi sii joogi doonaan, balse hadda ma sameeyaan tababarka ama caawinta ciidamada Niger.
Horseed Media
